ابعدي
خايف عليكي صدقيني
مهما اقرب ابعديني
ياكياني ونن عيني
ابوس ايدك اهجريني
ابعديني عن حياتك
اهربي مني في كلامك
اغضبي مني في خصامك
حبي حد يقدر يصونك
حبي قلب يفهم عيونك
حبي حد قلبه اخضر
زي قلبك المسكر
انسي انك اه حبيبتي
ميهمكيش ناري وحيرتي
ابعديني عن جفونك
اصلي بعشق لون عيونك
ابعدي متحبنيش
وعن السبب متسأليش
متقوليش متقدريش
ابوس ايدك متدمعيش
متوجعيش قلبي بكلامك
انا مش مستحمل ملامك
ابعديني عن طريقك
مستهلش اكون حبيبك
انتي اطيب قلب شفته
ياريت زمان كنت قابلته
شمس ليلي متدمعيش
وعشان خاطري متزعليش
انا بجد خايف عليكي
هفضل احبك ومش ناسيكي
عارف كلامي بيوجعك
وعشان بحبك ببعدك
ليست هناك تعليقات:
إرسال تعليق